ڪورونا جي عالمي وبا جي پنجين لهر جي شروعات ڪراچي کان ٿي چڪي آهي.

ڪورونا جي عالمي وبا جي پنجين لهر جي شروعات ڪراچي کان ٿي چڪي آهي.

ڪراچي(ويب ڊيسڪ)صحت جي ماهرن جو چوڻ آهي ته پاڪستان ۾ ڪورونا جي عالمي وبا جي پنجين لهر جي شروعات ڪراچي کان ٿي چڪي آهي. وفاقي اختيارين جو چوڻ آهي ته ڪراچي ۾ ڪورونا جو اومي ڪرون قسم جهنگ جي باهه وانگر پکڙجي رهيو آهي. اختيارين موجب ڪراچي ۾ اومي ڪرائون ويريئنٽ مان ڪورونا مثبت ڪيسن جي شرح 7 سيڪڙو ٿي وئي آهي جڏهن ته ڪراچي ۾ ويڪسينيشن جي شرح صرف 40 سيڪڙو آهي جنهن ڪري ڪيسن ۾ اضافو ٿي رهيو آهي. صحت جي ماهرن جو اهو به چوڻ آهي ته ڪراچي کانپوءِ ايندڙ نمبر لاهور جو آهي جتي اومي ڪرون سبب ڪيسن ۾ اضافو ٿيندو جڏهن ته اسلام آباد ۾ به اومي ڪرون جي ڪميونٽي ٽرانسميشن شروع ٿي وئي آهي. ان حوالي سان ڊاڪٽر فيصل محمود جو چوڻ هو ته ڪراچي ۾ ڪيسن کي روڪڻ لاءِ سخت قدمن جي ضرورت آهي، اسپتالن ۾ ڪورونا ڪيسن جي انگ ۾ به اضافو ٿيندو. هن جو چوڻ آهي ته اهو چوڻ تمام جلدي آهي ته ڇا اومي ڪرون قسم گهٽ خطرناڪ آهي. ياد رهي ته اين سي او سي جي سربراهه ۽ وفاقي وزير اسد عمر به پاڪستان ۾ ڪورونا جي پنجين لهر تي ڳڻتي جو اظهار ڪيو ڪندي ماڻهن کي ماسڪ پائڻ ۽ احتياط ڪرڻ جي اپيل ڪئي هئي.

وڌيڪ پڙھو

عمران خان جي اڳواڻي ۾ لانگ مارچ شروع ٿيڻ وارو

عمران خان جي اڳواڻي ۾ لانگ مارچ شروع ٿيڻ وارو

تحريڪ انصاف طرفان اڄ اسلام آباد ڏانهن لانگ مارچ ڪيو پيو وڃي، لاهور جي لبرٽي …

Leave a Reply

Your email address will not be published. Required fields are marked *