لانگ مارچ: پنجاب کان اسلام آباد ويندڙ سمورا رستا بند: لاھور ميدانِ جنگ بڻيل: پي ٽي آءِ جا ڪيترائي ڪارڪن گرفتار

لانگ مارچ: پنجاب کان اسلام آباد ويندڙ سمورا رستا بند: لاھور ميدانِ جنگ بڻيل: پي ٽي آءِ جا ڪيترائي ڪارڪن گرفتار


حڪومت جي لانگ مارچ جي اجازت نه ڏيڻ واري اعلان کانپوءِ عمران خان ملڪ جي عدليه ۽ فوج کي معاملي ۾ مداخلت ڪرڻ جي اپيل ڪئي آهي ۽ چيو آهي ته هاڻي هو ڊي چوڪ ڏانهن ويندا

عمران خان چيو تھ حڪومت پنجاب ۽ اسلام آباد ۾ قلم 144 پڻ لاڳو ڪيو آهي، جڏهن ته پي ٽي آءِ موجب سندس 400 کان وڌيڪ ڪارڪنن کي گرفتار ڪيو ويو آهي

پنجاب ۾ پي ٽي آءِ ڪارڪنن تي ڪريڪ ڊائون کانپوءِ شاهه محمود قريشي چيو آهي ته ڪارڪنن کي هر صورت ۾ اسلام آباد پهچڻ گهرجي

اڳوڻي وزيراعظم عمران خان چيو آهي ته پي ٽي آءِ خلاف ڪريڪ ڊائون ” حڪومت جي ڪريل حربن تي سنگين سوال اُٿي رهيا آهن

سپريم ڪورٽ جي حڪم تي عمل ڪنداسين: راڻا ثناءُ الله

گهرو وزير راڻا ثناءُ الله چيو آهي ته سپريم ڪورٽ آئين جي محافظ آهي، هر ادارو آئين جي حفاظت جو ذميوار آهي، سپريم ڪورٽ جيڪو به حڪم ڏنو ان تي عمل ڪنداسين

راڻا ثناءُ الله چيو ته پي ٽي آءِ جي درخواست تي سپريم ڪورٽ جي بينچ جوڙي وئي آهي، پي ٽي آءِ بابر اعواڻ جي سربراهي ۾ 4 رڪني ڪميٽي جوڙي آهي ۽ هاڻي وزيراعظم شهباز شريف به عدالتي حڪم تي ڳالهين لاءِ ڪميٽي جوڙيندو

راڻا ثناءُ الله چيو ته انتظامن جي ڪري عوام کي پهتل تڪليف تي معذرت خواهه آهيان،اسان کي ٻڌايو ويو ته 20 لک ماڻهن جو وڏو سيلاب ايندو، جڏهن ته گرفتارين بابت به هٿ ٺوڪيون خبرون پکيڙيون ويون

گهرو وزير چيو ته خيبرپختونخواهه ۾ هن وقت ڪجهه سرگرميون جاري آهن، ان جو سبب اهو آهي ته اتي سرڪاري وسيلا استعمال ٿي رهيا آهن، عمران خان پنج کان ست هزار ماڻهن سان گڏ هليو آهي، هي سڀ حڪومت جي سرپرستي ۾ وفاق تي حملي جي نيت سان آيا آهن

ياسمين راشد ۽ عندليب عباس گرفتاري کانپوءِ ڪجهه دير بعد ئي آزاد

پنجاب پوليس پاڪستان تحريڪ انصاف جي سينيئر اڳواڻن ڊاڪٽر ياسمين راشد ۽ عندليب عباس کي گرفتاري کانپوءِ لاهور مان آزاد ڪري ڇڏيو آهي

ياد رهي ته ان کان اڳ ڏنڊا بردار پوليس ياسمين راشد جي گاڏي جي ونڊ اسڪرين کي ٽوڙي ڇڏيو هو جڏهن هوءَ پوليس جو گهيرو ٽوڙي اڳتي هلي وئي هئي

عمران خان جي قيادت ۾ پي ٽي آءِ جو لانگ مارچ

پاڪستان تحريڪ انصاف جي چيئرمين عمران خان ولي انٽرچينج کان پنهنجو “حقيقي آزادي مارچ شروع ڪري ڇڏيو آهي

عمران خان ڪنٽينر تي سوار آهي ۽ سوين ڪارڪن به ساڻس گڏ ڪپتان سان گڏ اسلام آباد طرف مارچ ڪري رهيا آهن

واضح رهي ته عمران خان ولي خان انٽرچينج تائين هيليڪاپٽر ذريعي پهتو هو، جڏهن ته هو هاڻ ڪنٽينر تي سوار ٿي مارچ جي قيادت ڪري رهيو آهي

عمران خان حڪومت سان ڳالهين لاءِ ٽيم جوڙي ڇڏي

پاڪستان تحريڪ انصاف جي وڪيل بابر اعواڻ سپريم ڪورٽ کي ٻڌايو آهي ته اڳوڻي وزيراعظم عمران خان حڪومت سان ڳالهين لاءِ ٽيم جوڙي آهي

بابر اعواڻ موجب عامر ڪياني، وڪيل فيصل چوڌري، علي نواز اعواڻ ۽ مونکي ڳالهين واري ٽيم ۾ نامزد ڪيو ويو آهي

اٽارني جنرل چيو آهي ته وزيراعظم شهباز شريف کي به ٽيم جوڙڻ جو چيو اٿئون، حڪومت کان هدايت وٺي عدالت کي ٽيم جي حوالي سان آگاهه ڪندس

عدالت پي ٽي آءِ جي وڪيل بابر اعواڻ کان پڇاڻو ڪيو ته احتجاج ڪيترو وقت هلندو؟، بابر اعواڻ عدالت کي ٻڌايو ته اسان نئين اليڪشن جو مطالبو ڪريون ٿا، ان کان پوئتي نه هٽنداسين

وڌيڪ پڙھو

پاڪستان تحريڪ انصاف جي سينيئر اڳواڻ شهباز گل کي اسلام آباد مان گرفتار

پاڪستان تحريڪ انصاف جي سينيئر اڳواڻ شهباز گل کي اسلام آباد مان گرفتار

پاڪستان تحريڪ انصاف جي سينيئر اڳواڻ شهباز گل کي اسلام آباد مان گرفتار ڪيو ويو …

Leave a Reply

Your email address will not be published.