سپريم ڪورٽ سنڌ حڪومت کي ڪراچي جون سڀ مارڪيٽون کولڻ جو حڪم ڏئي ڇڏيو

سپريم ڪورٽ ڪراچي جون سموريون مارڪيٽون کولڻ جو حڪم ڏئي ڇڏيو، چيف جسٽس چيو آهي ته ننڍن دڪاندارن کي ڪم ڪرڻ کان نه روڪيو وڃي، سپريم ڪورٽ ۾ ڪورونا وائرس بابت پاڻمرادو نوٽيس تي ٻڌڻي ٿي آهي، چيف جسٽس پاڪستان ٻڌڻي دوران چيو ته سموري ملڪ ۾ شاپنگ مالز ۽ مارڪيٽون کولڻ جو حڪم ڏيون ٿا، چيف جسٽس چيو ته تمام گهڻا ماڻهو صرف عيد تي ڪپڙا وٺندا آهن، ڪمشنر ڪراچي عدالتي فيصلي تي عمل ڪرائي، دڪان بند ڪرائڻ بدران ايس او پيز تي عمل ڪرايو وڃي، سنڌ حڪومت کي مخاطب ٿيندي چيف جسٽس چيو ته ڇا ڪورونا ٻڌائي ايندو آهي ته هو ڇنڇر ۽ آچر تي ايندو ۽ ٻين ڏينهن ۾ نه ايندو، ڇنڇر ۽ آچر تي به مارڪيٽون بند نه ٿينديون، چيف جسٽس گلزار احمد چيو ته ننڍن دڪاندارن کي ڪاروبار ڪرڻ کان نه روڪيو وڃي، ڇنڇر ۽ آچر تي به پوري ملڪ ۾ مارڪيٽون ۽ شاپنگ مالز کوليا وڃن،

وڌيڪ پڙھو

پ پ پ ۽ ن ليگ پاران ايم ڪيو ايم سان معاھدو رد ڪريون ٿا. ايس ٽي پي جي ميزباني ۾ سنڌ قومي ڪانفرنس

پ پ پ ۽ ن ليگ پاران ايم ڪيو ايم سان معاھدو رد ڪريون ٿا. ايس ٽي پي جي ميزباني ۾ سنڌ قومي ڪانفرنس

سنڌ جي قومپرستن، دانشورن، اديبن، شاعرن، ليکڪن، وڪيلن ۽ صحافين، تازو ايم ڪيو ايم، پيپلزپارٽي …