زوب ۾ جماعت اسلامي جي امير سراج الحق جي قافلي تي خودڪش حملو، 7 ڪارڪن زخمي

بلوچستان جي ضلعي زوب ۾ جماعت اسلامي جي امير سراج الحق جي قافلي تي آپگهاتي حملي جي نتيجي ۾ 6 ڄڻا زخمي ٿي پيا.

پوليس موجب زوب ۾ جماعت اسلامي جي امير سراج الحق جي قافلي وٽ اڻڄاتل هٿياربندن پاڻ کي ڌماڪي سان اڏائي ڇڏيو.

هوڏانهن ٻنهي طرفن کان 4 کان 5 گاڏين کي جزوي نقصان پهتو، واقعي بعد مقامي انتظاميا واقعي واري هنڌ پهچي علائقي کي گهيري ۾ آڻي ڇڏيو.

زخمين کي ويجهي اسپتال منتقل ڪيو ويو، جتي سندن حالت خطري کان ٻاهر ٻڌائي پئي وڃي.

سيڪريٽري جنرل جماعت اسلامي امير العظيم چيو آهي ته سراج الحق جي قافلي تي آپگهاتي حملو ٿيو آهي، حملو ڪندڙ مارجي ويو آهي.

جماعت اسلامي پاڪستان جي ترجمان قيصر شريف چيو آهي ته زوب ۾ استقبالي جلوس ۾ آپگهاتي ڌماڪو ٿيو، سراج الحق ۽ ٻيا ڪارڪن محفوظ رهيا.

جماعت اسلامي بلوچستان جي ترجمان عبدالولي شاڪر چيو آهي ته زوب ۾ استقبالي جلوس ۾ آپگهاتي ڌماڪو ٿيو آهي.

ژوب ۾ جماعت اسلامي جو اجلاس ٿيو، جنهن کي سراج الحق خطاب ڪرڻو هو.

ھي بہ پڙھو

گهوٽڪي: شهيد صحافي نصرالله گڏاڻي قتل ڪيس جو هڪ جوابدار گرفتار

گهوٽڪي: شهيد صحافي نصرالله گڏاڻي قتل ڪيس جو هڪ جوابدار گرفتار

گهوٽڪي: (خميس: 06 جون 2024ع) پوليس مقتول صحافي نصرالله گڏاڻي  قل ڪيس جي هڪ جوابدار …